Dili, 12 Maiu 2021 – Xefe Estadu Maiór Jenerál, Tenente Jenerál Lere Anan Timur informa katak sei hala’o rekrutamentu ba membu FALINTIL-Forsa Defeza Timor-Leste (F-FDTL) hamutuk na’in atus-neen (600) iha 09 Agostu 2021.
Lere afirma katak iha duni urjénsia atu halo rekrutamentu ba membru foun F-FDTL no tenke akontese iha tinan ida ne’e maske iha situasaun Covid-19 nia laran. Nia hatutan, krize polítika ne’ebé akontese iha 2017 no aumenta tán ho pandemia Covid-19 ne’e mak impede atu hala’o rekrutamentu.
“Iha difikuldade uitoan iha kondisaun atu halo rekrutamentu. Rekrutamentu ami prevé ba 09 Agostu. […] Fardamentu to’o mak halo rekrutamentu militár,” dehan Lere ohin (12/5) hafoin hasoru malu ho Prezidente Repúblika Francisco Guterres Lú Olo iha Palásiu Prezidensiál, Dili.
Kona-ba prosesu selesaun dokumentu, nia dehan katak besik remata ona no sei publika lista kandidatu sira hafoin prosesu selesaun remata.
Fonte: Mídia Presidente da Repúblika (PR)