Manufahi, 06 Outubru 2021 – Vise Ministra Solidariedade Sosiál no Inkluzaun (MSSI) Signi Verdiál hateten katak tempu badak Governu sei halo konstrusaun ba ponte mota Karau-Ulun no Mota-Sohin ne’ebé difikulta populasaun sira-nia viajen.
Vise Ministra hato’o asuntu ne’e nu’udar resposta ba preokupasaun ne’ebé populasaun sira hato’o relasiona ho ponte rua ne’e, wainhira Vise Ministra ho nia ekipa ba halo kampaña vasinasaun kontra Covid-19, iha tersa (05/10) no kuarta (06/10) ne’e, iha Fatuberliu, munisípiu Manufahi.
Víse ministra Signi Verdiál akresenta, planu konstrusaun ba ponte rua iha mota sohin no mota kara-ulun ne’e tama ona iha faze tenderizasaun, no iha tempu badak sei halo konstrusaun.
Iha mós preokupasaun kona-ba estrada ne’ebé nia ligasaun entre postu-administrativu Turiskai no Alas, nune’e, Governante ne’e dehan, tinan ida ne’e Governu sei hahú halo mós konstrusaun ba estrada refere.
Fonte: Diáriu "Roman ba Sosiedade" Manufahi