Dili, 01 Setembru 2023 - Koordenadór Rezidente Organizasaun Nasaun Unidas (ONU) iha Timor-Leste, Funmi Balogun, hateten katak sira prontu apoia Timor-Teste iha setór seguransa interna nian, liuliu reforsa jestaun fronteira hodi prevene krime tráfiku Umanu no tráfiku droga, hosi autór rede krime organizadu sira, atu nune’e povu bele moris ho hakmatek no seguru. Funmi hato’o lia hirak ne’e hafoin enkontru ho Ministru Interiór, iha Sesta (01/09 ) iha Vilaverde, Dili.
Funmi hateten tan katak, durante enkontru sira ko'alia mós kona-ba asuntu feto, ne’ebé hetan apoiu hosi UN Woman, atu ajuda governu hodi hapara violénsia hasoru feto no labarik-feto sira. Asuntu seluk mak sira kontinua apoia ba iha autoridade protesaun sivil nian, oinsá mak atu halo alerta sedu ba iha fatin risku dezastre naturál nian iha Timor-Leste, hodi bele salva komunidade sira hosi dezastre naturál.
Fonte: Mídia Serviço Relações Públicas de Ministério do Interior