Dili, 12 Maiu 2021 - Sekretáriu Estadu ba Komunikasaun Sosiál, Merício dos Reis “AKARA”, iha nia enkontru ho Primeiru-Ministru iha horiseik (11/05), atualiza progresu servisu SEKOMS nian, liu-liu kona-ba progresu modernizasaun rádiu komunidade sira hosi sistema konvensionál ba rádiu streaming.
Ezekutivu SEKOMS hateten katak rádiu komunidade hamutuk sanulu-resin-rua maka iha ona rádiu streaming no website propriu ba kada rádiu. Nune’e públiku inklui komunidade internasionál bele ona asesu ba informasaun ne’ebé rádiu komunidade sira ne'e disponibiliza.
SEKOMS mós planeia ona atu dezenvolve mídia iha munisípiu sira no iha tempu badak SEKOMS sei apoiu infraestrutura ba munisípiu Manufahi, Aileu no Lautem tanba munisípiu tolu ne’e mak agora dadaun prontu ona.
Fonte: Mídia Secretário de Estado Para a Comunicação Social (SECOMS)