Dili, 12 Juñu 2021 – Sentru Integradu Jestaun Krize (SIJK) liuhosi nia komunikadu imprensa, informa ba públiku katak ema ne’ebé simu ona vasina kontra Covid-19 dala rua ka doze daruak nian bele ona halo sirkulasaun ho livre no la presiza hetan autorizasaun esepsionál hosi Diretór SIJK.
“Ema ne’ebé simu ona vasina doze daruak hosoru virus SARS-CoV-2, naran vasina ida hosi hirak ne’ebé rekoñesidu hosi Organizasaun Mundiál ba Saúde, bele ona sirkula livremente tama ka sai hosi serka sanitária, no la presiza hetan autorizasaun esepsionál hosi Diretór SIJK,” temi iha divulgasaun ofisiál hosi Ministériu Saúde ohin (12/6).
Ba ema ne’ebé seidauk simu vasina kontra Covid-19 dala rua, SIJK nafatin husu atu halo teste swab hosi hetan autorizasaun esepsionál atu bele halo movimentu sai hosi serka sanitária iha Dili.
Fonte: Mídia Palácio das Cinzas