Manufahi, 13 Setembru 2021 – Diretór Sekretariadu Tékniku Administrasaun Eleitorál (STAE) munisípiu Manufahi, Angelo Corte-Reál informa, ohin (13/9) iha nia knaar-fatin, Manufahi, katak STAE Manufahi sei rekruta Brigadista hamutuk na’in-94 atu destaka tuir sentru votasaun 94 ba eleisaun Prezidensiál ne’ebé estabelese ona suku 29 iha Manufahi.
Nia dehan, “hahú ohin STAE Manufahi simu ona dokumentu hosi kandidatu Brigadista sira atu selesiona na’in-94 hodi organiza Eleisaun Prezidensiál iha tinan oin”.
Angelo informa tán, prosesu simu dokumentu ba konkorente sira hahú ohin to'o 24 Setembru, selesaun dokumentu hahú iha 07 to’o 08 Outubru, sei halo publikasaun ba lista kandidatu sira iha 11 to’o 22 Outubru, no rezultadu finál sei fó-sai iha Janeiru 2022.
Fonte: Diáriu "Roman ba Sosiedade" Manufahi