TALIBAN BANDU ESTUDANTE FETO IHA AFEGANISTAUN ESTUDA HO MANE IHA SALA AULA IDA

Afeganistaun, 13 Setembru 2021 – Grupu Taliban ne’ebé oras ne’e domina no governa hikas Afeganistaun, hasai regulamentu ida ba universidade hotu-hotu iha Afeganistaun katak bandu estudante feto sira atu estuda ka hala’o aprendizajen hamutuk ho estudante mane sira iha sala aula laran ida de’it.

Nune’e, Ministériu Ensinu Superiór Afeganistaun sei haketak estudante ho sexu feto hosi estudante ho sexu mane ba sala aula keta-ketak.

Ministru Ensinu Superiór Afeganistaun Abdul Baqi Haqqani afirma liuhosi konferénsia imprensa ne’ebé hala’o iha domingu (12/9) ne’e iha Afeganistaun katak, Governu ne’ebé Taliban forma ne’e sei implementa regra refere ba feto hotu-hotu iha ensinu superiór públiku no privadu sira, no sei halo mós revizaun ba kuríkulu.

“Ami sei la permite mane no feto estuda hamutuk. Ami sei la permite implementasaun estuda hamutuk entre feto no mane,” dehan Haqqani iha domingu ne’e, haktuir CNN.

Nia dehan katak edifísiu eskola sira sufisiente atu haketak estudante feto no mane. Kona-ba dosente, Ministru ne’e dehan, dosente feto mak sei hanorin estudante feto sira no dosente mane mak sei hanorin estudante mane sira. Wainhira dosente feto la sufisiente, Governu sei buka alternativu balu.

La’os ida ne’e de’it, Governu ne’ebé forma hosi grupu Taliban ne’e mós obriga estudante feto sira tenke hatais nu’udar ema musulmanu duni.

Taliban mós hasai regra foun ida seluk tán katak feto sira labele asume kargu Ministra tanba feto sira-nia funsaun mak túr-ahi de’it.

Dezde grupu Taliban asalta no domina Afeganistaun iha 15 Agostu 2021 liubá, sira hasai ona regulamentu barak ne’ebé limita feto sira hosi liberdade balu inklui kampu traballu.

Fonte: CNN International
Moris
Loro-Loron Fa’an Modo Hafoin Fila Hosi Eskola, Abril Husu Foinsa’e Labele Moe Buka Rasik Osan
Loro-loron fa’an modo hafoin fila hosi eskola, Abril husu foinsa’e labele moe buka rasik osan.
Polítika
Naimori: FRETILIN, PLP No KHUNTO Tenke Kontinua Hamutuk Atu Dezenvolve Timor-Leste
Naimori dehan FRETILIN, PLP No KHUNTO Tenke Kontinua Hamutuk Atu Dezenvolve Timor-Leste.
Polítika
Governu Deside Atu Kontinua Renova Estadu Emerjénsia Ba Dala-18 Ba Loron 30 Tán
Governu deside atu kontinua renova estadu emerjénsia ba dala-18 ba loron 30 tán.
Polítika
Traballadór 71 Atu Ba Korea Súl Iha Outubru, Kada Ema Ida Sei Prepara $4.200
Traballadór na’in-71 ne’ebé aranka ba Korea Súl kada ema ida sei prepara osan $4.200 tanba atu selu fatin kuarentena.
Moris
Loro-Loron Fa’an Modo Hafoin Fila Hosi Eskola, Abril Husu Foinsa’e Labele Moe Buka Rasik Osan
Loro-loron fa’an modo hafoin fila hosi eskola, Abril husu foinsa’e labele moe buka rasik osan.
Agrikultura
MAP Realiza Eskola Kampu Agrikultór Iha Suku Raimea
MAP nia ekipa realiza Eskola Kampu Agrikultór iha suku Raimea hodi kapasita agrikultór sira kona-ba kuda hare tuir sistema PAD.
Turizmu
MTCI Realiza Kompetisaun Pintura Hodi Komemora Loron Mundiál Turizmu
MTCI realiza kompetisaun pintura hodi komemora loron mundiál Turizmu ne’ebé monu iha 27 Setembru.
Saúde
Idozu 10 Resin Mate Iha Suku Holarua, Hatudu Sintoma Isin-Manas No Dada Iis Araska
Iha Setembru nia laran idozu 10 resin mate iha suku Holarua, hatudu sintoma isin-manas no dada iis araska.
Covid-19
MS Apela Ba Ema Ne’ebé Isin-Manas Atu Ba Ospitál
MS kontinua apela ba populasaun sira atu ba aprezenta-an iha ospitál wainhira sente sintoma Covid-19.
Polítika
Prezidente Repúblika Husu PN Nia Autorizasaun Atu Dekreta EE Ba Dala-18
Prezidente Repúblika husu PN nia autorizasaun atu dekreta EE ba dala-18 ba loron 30 tán.
Seguransa
PNTL Kaptura Sidadaun Na’in-3 Ne’ebé Atu Ba Na’ok Karau Iha Atambua, Na’in-5 Halai
PNTL kaptura sidadaun na’in-3 ne’ebé atu ba na’ok karau iha atambua, na’in-5 halai.
Ambiente
Komunidade Iha Merkadu Taibesi Barak Mak Soe Lixu Arbiru Iha Merkadu Laran
Komunidade iha merkadu Taibesi barak mak la tau lixu iha nia fatin própriu.
Sosiál
Governu Dekreta Lutu Nasionál Ba Eiz Komandante FALINTIL Ma’Huno Nia Mate
Governu dekreta lutu nasionál durante loron tolu ba Eiz Komandante FALINTIL Ma’Huno Bulerek nia mate.
Polítika
Governu Hasa’e F-FDTL No PNTL Sira-Nia Saláriu 5%
Governu halo aumentu salariál 5% ba F-FDTL no PNTL.
Agrikultura
MAP Apoia Gazoel Tonelada 5.000 Hodi Fila To’os Éktare 500 Iha Same
MAP apoia gazoel tonelada 5.000 hodi fila to’os-na’in sira-nia to’os hamutuk éktare 500 iha Same.
Kultura
Suku Baboe-Leten Halo Rituál Tara-Bandu Atu Kuidadu Ambiente No Animál Fuik Sira
Suku Baboe-Leten halo rituál tara-bandu atu kuidadu ambiente no animál fuik sira.