Foin primeira vez iha istória umanidade no istória Igreja nian maka selebrasaun Páskua realiza de’it entre Bispu no Kleru sira sein prezensa fízika husi kristaun sira ka selebra de’it iha konventu no semináriu sira, laiha selebrasaun públika (via sakra ka prosisaun sira), haktadak ba orientasaun husi Congregação do Culto Divino e a Disciplina dos Sacramentos liuhusi Prot. N.º 153/20 deside hodi suspende tiha Misa Paskál nian ba públiku tanba feitu husi surtu coronavírus.

Iha époka “Semana Maior” ka baibain ita bolu Semana Santa, Santu Padre Francisco konvida iha hotu atu bele halo reflesaun kona-ba Judas ninia lalaok moris: “Kuarta-feira Santa bolu mós hanesan ‘kuarta-feira traisaun’, loron ida-ne’ebé iha Igreja resalta traisaun husi Judas. Judas ne’ebé faan Mestre”. Iha silénsiu profundu ida-ne’e, konvida ita ida-idak ne’ebé abita iha mundu ida-ne’e, hodi hateke ba figura Judas Iskariotes nian. Judas nu’udar apóstulu Kristu nian ida-ne’ebé adora Maromak no osan dala ida de’it, Papa hateten: “eziste Judas, ema sira-ne’ebé atrai, inkluzive ninia  maluk rasik, faan sira, ba interese próprios. Ohin loron mós eziste ema ne’ebé hakarak serbi Maromak no osan, exploradór sira-ne’ebé haksumik-an, aparentemente laiha pekadu, maibé halo komérsiu ho ema: faan ninia maluk ne’ebé besik liu. Judas husik hela ninia dixípulos, dixípulos husi diabu. Judas apegadu ba osan: semak hadomi liu osan, trai”.

Le'e opiniaun kompletu iha ne'e!