Timor-Leste Seidauk Iha Transmisaun Lokál Covid-19 Iha Rai-Laran

Dili, 18 Janeiru 2021- Ministériu Saúde informa ba públiku katak notísia ne’ebé GMN TV publika ho títulu ‘Deteta Transmisaun Lokál, MS Sei Hala’o Mass Screening Iha Fatin Públiku’ ne’e falsu ka la loos, tanba Timor-Leste seidauk iha transmisaun Covid-19 lokál iha rai-laran, haktuir informasaun divulgadu ohin (08/01) hosi Palácio das Cinzas.

Informasaun divulgadu haktuir, iha 16 Janeiru liubá Koordenadora Jerál Komisaun Covid-19 Odete das Silva Viegas hato’o informasaun liuhosi konferénsia imprensa katak ‘Screening Massal ne’e hala’o nu’udar dalan ida ne’ebé di’ak liu hodi bele deteta sedu karik iha transmisaun lokál iha komunidade’.

Tanba ema hirak ne’ebé tama ilegalmente no kumpre kuarentena mós nia rezultadu teste pozitivu ba Covid-19, nune’e posibilidade iha risku transmisaun lokál.

Ne’e duni, Odete Viegas la temi katak ‘deteta transmisaun Covid-19 lokál iha Timor-leste’.

Fonte: Mídia Palácio das Cinzas

Notísia Hotu-Hotu >