SEFOPE Husu Kandidatu Traballadór SWP Labele Triste Karik La Pasa Iha Teste Tanba Oportunidade Sei Barak

Dili, 21 Setembru 2020 - Sekretáriu Estadu Formasaun Profisionál no Empregu (SEFOPE) Alarico de Rosário informa ba kandidatu traballadór Seasonal Worker Program (SWP) sira ne’ebé tuir teste fíziku, karik la pasa labele triste tanba oportunidade ba servisu iha ema nia rain sei barak, no sei bele konkore fila-fali iha tempu tuir mai.

Alarico hato’o informasaun ne’e wainhira hamutuk ho Sekretáriu Estadu Komunikasaun Sosiál Mericío dos Reis Akara, halo abertura teste fíziku ba kandidatu traballadór SWP Munisípiu Dili, ne’ebé realiza ohin, iha kampu Polísia Akademia Komoro.

SEFOPE mós husu ba kandidatu sira ne’ebé karik pasa, labele kontente liu maibé tenke nafatin kuida saúde, labele hemu tua, fuma sigaru no hadook-an hosi krime.

Durante realiza teste kandidatu traballadór SWP iha munisípiu 11 inklui RAEOA, ema barak mak hato’o sira-nia krítika, tanba ne’e iha Munisípiu Dili ekipa ne’ebé fó teste envolve direita membru PNTL nune’e bele garantia tranparánsia.

Fonte: Mídia Secretariado de Estado para Formação Profissional e Emprego (SEFOPE)

Notísia Hotu-Hotu >