MAPKOMS Lansa Revista Loron 100 Servisu Iha VIII Governu

Dili, 28 Setembru 2020 : Ministru ba Asuntu Parlamentár no Komunikasaun Sosiál (MAPKOMS), Francisco da Costa Jerónimo, lansa Revista loron 100 MAPKOMS iha VIII Governu Konstitusionál, sexta ne’e (25/9), iha sala enkontru Ministériu Telekomunikasaun, Kaikoli, Dili.

Iha Revista ne´e kontempla atividade sira hosi MAPKOMS nian ba servisu Asuntu Parlamentár no Komunikasaun Sosiál ne’ebé hala´o hahú hosi 29 Maiu to’o 08 Setembru 2020.

Hafoin simu pose iha 29 Maiu 2020, Ministru Francisco Jeronimo hala´o knaar iha Parlamentu Nasionál hanesan fonte komunikasaun hosi Parlamentu Nasionál ba Governu no Governu ba Parlamentu Nasionál, rona intervensaun hosi Deputadu sira ba preokupasaun Povu nian nune’e mós informasaun kompetente sira hodi enkamiña ba Governu.

Entretantu liga ba servisu mídia Komunikasaun, MAPKOMS hala’o ona vizita ba mídia públiku no privadu sira hotu ne’ebé lokalizada iha Dili, hodi haree direta servisu no kondisaun kada mídia nian. 

Liuhosi vizita ne´e, MAPKOMS sei haree posibilidade balu, oinsá mak atu bele fasilita mídia sira ne’ebé mak Governu presiza fó apoiu.

Fonte: Ministério dos Assuntos Parlamentares e Comunicação Social (MAPCOMS)

Notísia Hotu-Hotu >