Utilizadór Milloens Mak Abandona Tiha WhatsApp Tanba Mudansa ‘Terms of Service’

24 Janeiru 2021 – The Guardian haktuir katak utilizadór barak mak abandona tiha WhatsApp hafoin sira fó sai avizu kona-ba planu atu halo atualizasaun ba ‘Terms of Service’ ka Termu Servisu foun ne’ebé atu implementa iha 8 Fevereiru 2021. Termu Servisu foun ne’e mak “WhatsApp atu fahe informasaun hosi sira-nia plataforma ho Facebook no ho plataforma sira seluk ne’ebé pertense mai iha Facebook”. Ho ida ne'e, utilizadór sira abandona tiha WhatsApp no komesa download no uza fali ona plataforma alternativu sira seluk, hanesan Signal no Telegram, ne'ebé mak iha semana tolu ikus Janeiru nia laran númeru download sa’e maka'as.

Facebook sosa tiha WhatsApp iha 2016 no sai parte hosi Facebook nu'udar kompañia inan. Maske WhatsApp insisti nafatin katak sira-nia serbisu fó seguransa ba utilizadór nia privasidade no informasaun sira iha plataforma, maibé, utilizadór barak mak laduun fiar Facebook, tanba kompañia inan ne'e iha problema barak ho privasidade. 

Haree ba situasaun ida ne'e, Whatsapp nia CEO desidi atu adia fali planu atualizasaun ba Termu Servisu ne'e ba iha 15 Maiu 2021. Hodi nune'e, WhatsApp bele esplika diak liu tán Termu Servisu foun ne'e ba utilizadór sira, atu bele hetan nafatin konfiansa katak WhatsApp iha kompromisu maka'as atu garante utilizadór ida-idak nia privasidade iha plataforma.

Fonte: The Guardians

Notísia Hotu-Hotu >