CNC Hetan Vizita Estudu Husi Kandidatu Ofisiais PNTL

Díli 24 Janeiru 2020 - Centro Nacional Chega (CNC), I.P simu vizita Estudu husi kandidatu ofisiais Polísia Nasional Timor-Leste (PNTL) ne’ebé rekruta husi kada munisípiu hodi tuir formasaun ofisiais nian iha Centro Academia, PNTL Dili.

Objetivu husi vizita ne’e maka atu hatene di’ak liu tan kona-ba komarka Balide ne’ebé mós hanesan sítiu istóriku ida no hodi hatene mós istória Timor-Leste nia.

Iha biban ida ne’e, Diretór CNC Hugo fahe informasaun jerál kona-ba istória komarka Balide hahú husi tinan konstrusaun, utilizasaun iha tempu Portugés, utilizasaun iha tempu funu maun alin no iha tempu okupasaun Indonézia no mos halo esplikasaun jerál kona-ba konteúdu relatóriu Chega, ne’ebé hakerek kona-ba faktu istória pasadu Timor-Leste nian, partisipasaun povu iha luta, violasaun Direitus Umanus no Rekomendasaun.

Vizita Estudu ida ne’e hakotu ho vizita espozisaun Chega!, sala arkivu sela nakukun no hasai foto hamutuk iha Jardín da Memória.

Fonte: Mídia Centro Nacional Chega (CNC)

Notísia Hotu-Hotu >