SEKOMS Halo Diskusaun Interna Ba Proposta Lei Radiufuzaun

Díli, 31 Janeiru 2020 - Sekretáriu Estadu ba Komunikasaun Sosiál (SEKOMS), Merício dos Reis “AKARA”,  hamutuk ho responsável máksimu órgaun mídia ne’ebé tutela ba inklui SEKOMS nia dirijente no asesór sira, hala’o sorumutu hodi diskuti proposta Lei Rádiudifuzaun.

Lei Rádiudifuzaun ne’e elabora ho objetivu atu garante direitu hodi hetan informasaun ne’ebé loos no fundamentál atu garante mós liberdade imprensa no meiu komunikasaun sosiál. 

Lei Rádiudifuzaun estabelese ho razaun dadaun ne’e ordenamentu jurídiku seidauk regulamenta prinsípiu fundamentál ba atividade Rádiu no Televizaun iha teritóriu Timor-Leste.

Iha sorumutu ne’e, partisipante sira hato’o sira nia hanoin no sujestaun hodi hadi’a proposta Lei ne’e molok halo konsulta públika.

Fonte: Mídia Secretário de Estado Para a Comunicação Social (SECOMS)

Notísia Hotu-Hotu >