Doutór Iha Indonézia Ne’ebé Mate Tanba Covid-19 Hamutuk Na’in-114 Ona

Indonézia, 12 Setembru 2020 - Doutór iha Indonézia ne’ebé mate tanba Covid-19 hamutuk 114 ona. Informasaun ida ne’e hato’o hosi Xefe Ekipa Mitigasaun Konsellu Ezekutivu Asosiasaun Médiku Indonézia, Adib Khumaidi, iha diskusaun virtual, sábadu ne’e (12/9).

“Horisehik foin aumenta tán doutór haat, nune’e total agora 114”, dehan Adib.

Adib informa, Java Lorosa’e (Jawa Timur) nu’udar provínsia ida ne’ebé ho totál doutór mate tanba Covid-19 aas liu, hamutuk na’in-29. Hafoin tuir fali mak sidade Medan no DKI Jakarta.

Hosi totál 114 ne’e, na’in-55 ne’ebé mate nu’udar doutór jerál, no seluk nu’udar doutór espesialista. Adib akresenta, la’os doutór sira ne’ebé mate hotu-hotu hala’o knaar iha tratamentu ba pasiente Covid-19 ne’ebé izoladu, maibé doutór barak infektadu Covid-19 iha ambiente ospitál ne’ebé perigozu duni.

Fonte: Kompas Indonesia

Notísia Hotu-Hotu >