Camões I.P No Uniaun Europeia Oferese Livru Jurídiku Ba PJR

Dili, 25 Setembru 2020 - Camões I.P no Uniaun Europeia ne’ebé reprezenta hosi Embaixadór Portugál iha Timor-Leste no hosi Xefe Kooperasaun Uniaun Europeia nian, oferese livru jurídiku sira ba Prokuradoria Jerál Repúblika (PJR), ohin, iha edifísiu PJR nian iha Kolmera, Díli.

Oferta ida ne’e atu disponibiliza ezemplár livru sira hosi nesesidade dahuluk ba Prokuradór sira hotu hosi Ministériu Públiku, relasiona ho sira-nia knaar nu’udar Majistradu, ne’ebé inklui ezemplár 40 Konstituisaun Anotada Timor-Leste nian, ezemplár 40 Kódigu Sivíl Timor-Leste nian, no mós ezemplár 35 Disionáriu Português-Tétum-Português nian.

Serimónia oferta livru ne’e hetan prezensa hosi Prokuradór Jerál Repúblika, José da Costa Ximenes, Prokuradór Adjuntu, Alfonso Lopes, Embaixadór Portugál iha Timor-Leste, José Pedro Machado Vieira, no Xefe Kooperasaun Uniaun Europeia nian, ne'ebé reprezenta hosi Embaixadór Uniaun Europeia iha Timor-Leste, Ramon Reigada.

Fonte: Midia Osan Povu Nian

Notísia Hotu-Hotu >