SEKOMS: Labele Tama-Sai Ilegál Hodi Fó Ameasa Fali Ba Transmisaun Covid-19 Lokál

Dili, 15 Fevereiru 2021 – Liuhosi komunikadu imprensa ida ne’ebé divulga ohin (15/2), Sekretáriu Estadu ba Komunikasaun Sosiál (SEKOMS) Merício dos Reis Akara hato’o apelu ba sidadaun hotu-hotu atu labele halo pasajen ilegál iha fronteira tanba sei fó ameasa atu hamosu transmisaun Covid-19 lokál iha Timor-Leste.

“Husu ba komunidade liuliu iha área besik fronteira labele tama no sai ilegál nune’e bele prevene transmisaun lokál, tanba iha nasaun viziñu hanesan Indonézia númeru ba moras ne’e aumenta aas no hamate ona ema barak,” SEKOMS hateten liuhosi komunikadu imprensa ne’e.

Nia mós husu ba sidadaun hotu-hotu atu kumpri nafatin regra prevensaun Covid-19 ne’ebé Ministériu Saúde partilla ona, hanesan fase liman beibeik ho sabaun, mantéin distánsia sosiál, uza hand sanitizer no labele kria grupu barak.

Fonte: Mídia Secretário de Estado Para a Comunicação Social (SECOMS)

Notísia Hotu-Hotu >