Ministériu Saúde Sei Halibur Sample Hosi Teste Massal Ema Na’in-2500 Nian Iha Parte Fronteira

Dili, 18 Fevereiru 2021 – Ministériu Saúde liuhosi nia ekipa ne’ebé dezloka ona iha munisípiu parte fronteira nian realiza ona teste massal hahú hosi 16 Fevereiru liubá iha área fronteiriza, no tuir planu katak hosi teste massal ne’e sei halibur sample ema na’in-2500 nian hodi hatene loloos katak eziste ona transmisaun Covid-19 lokál iha komunidade ne’ebé hela besik ba fronteira terestre ne’e ka lae.

Primeiru-Ministru Taur Matan Ruak informa katak iha kuarta (17/2) liubá ekipa halibur ona sample ema na’in-300 nian iha Bobonaru no na’in-100 iha Kovalima, no sample hirak ne’e sei lori ba laboratóriu iha Díli hodi hatene ninia rezultadu iha infeksaun Covid-19 ka laiha.

“Desizaun (serka sanitária) remata iha 03 Marsu. Maibé levantamentu dadus sé iha ka lae kontájen komunitária. Sé sertifika katak laiha kontájen komunitária, levantamentu (serka sanitária) bele halo sedu, sein nesesariamente to’o dia 03 Marsu,” Primeiru-Ministru akresenta, ohin (18/2), iha Palásiu Prezidensiál Dili.

Fonte: Mídia Presidente da República (PR)

Notísia Hotu-Hotu >