Maksakur Rejeita Informasaun Katak Dadus Veteranu Falsu Barak Liu Mosu Iha Manufahi

Manufahi, 24 Fevereiru 2021 – Prezidente Konsellu Munisipál Kombatente Libertasaun Nasionál (KMKLN) Munisípiu Manufahi, Tobias Amaral Magno Alias ‘Maksakur’ hateten katak KMKLN Manufahi rejeita informasaun ne’ebé espalla katak dadus veteranu falsu barak liu mosu iha Manufahi.

Maksakur hato’o rejeisaun refere ba Komisaun F Parlamentu Nasionál iha kuarta (24/2) ne’e iha Administrasaun Manufahi, tanba ho nia razaun katak aprovasaun koletivu ba dadus sira ne’e iha públiku, no aprova hosi Responsável Kaixa, Organizasaun Rejisténsia, no inklui Eiz FALINTIL sira.

Prezidente KMKLN Manufahi akresenta, informasaun kona-ba dadus veteranu falsu maioria iha Manufahi ne’e espalla iha públiku tanba ema balu ne’ebé la kontribui ba prosesu luta, envolve-an iha grupu independente balu ne’ebé laiha koñesimentu ba prosesu rejistu dadus veteran, no laiha koñesimentu kona-ba prosesu luta, maibé reklama fali luta-na’in ba Ministériu Públiku.

Maksakur preokupa ho situasaun ida ne’e hodi dehan, “kuandu la antesipa lalais konflitu boot sei mosu”.

Fonte: Diáriu "Roman ba Sosiedade" Manufahi

Notísia Hotu-Hotu >