Fronteira Loke Oras Rua De’it No Polísia Sei La Tolera Movimentu Ilegál

Dili, 23 Marsu 2020 - Polísia Nasionál Timor-Leste (PNTL) suspende serimónia komemorasaun aniversáriu ba dala XX relasiona ho situasaun pandemia Virus Corona (COVID-19) ne’ebé mak afeta Timor-Leste.

Komandante Jerál PNTL Komisáriu Faustino da Costa hateten, “liuhosi enkontru ohin ho Komandante munisípiu Dili, Xefe departamentu, Xefe Unidade no Xefe Servisu sira ohin ami koalia kona-ba ida ne’e katak tuir loos komesa ohin atividade sub programa balu ne’ebé halo ona liuliu kona-ba preparasaun parada maibé desde horseik Hau orienta para suspende atividade hirak ne’e.”

Komisariu haktuir tan aniversáriu PNTL ba dala 20 sei hala’o iha loron 27 Marsu 2020 no loron 27 sarani Katólika selebra Sexta Feira Santa (Jejus mate iha Kruz),povu Timor-Leste maioria katólika maibe tanba pandemia COVID-19 misa Quaresma mós suspende halo nusa maka ita bele halo serimónia.

“Ami mos aprezenta ba governu relasiona ho situasaun ne’e, aleinde ami mós antisipa karik iha semana ida ne’e ita nia governu no estadu prepara proposta ba Prezidente Republika atu dekreta estadu emerjénsia, se ida ne’e maka dekreta duni oinsa Polisia atu asegura desijaun estadu nian, oinsa Polisia bele hamutuk ho komunidade” dehan komisariu Faustino.

Komesa iha Domingo 22 Marsu 2020 Komandu orienta ona ba postu sira iha fronteira no Komandante sira tuir karta ne’ebé fo sai katak iha portaun entrada fronteira loke oras rua deit kada loron hahu (tuku 10:00-12:00) no sei la iha toleránsia ba movimentu ilegal.

Fonte: Mídia Polícia Nacional de Timor-Leste (PNTL)

Notísia Hotu-Hotu >