Inséndiu Iha Armajen Bebonuk, Kareta Ida No Motor Rua Inklui Sasán Seluk Tán Hetan Estragus

Dili, 14 Setembru 2020 - Sekretáriu Estadu Protesaun Sivil, Joaquim Gusmão tún direitamente hamutuk ho ekipa Diresaun Nasionál Bombeiru Timor-Leste hodi hamate ahi ne’ebé hán armajen hosi kompañia ida iha aldeia Metin 4, suku Bebonuk, postu-administrativu Dom-Aleixo, Dili.

Iha traballadór ida tenta hodi salva sasán balu hosi armajen ne’e maibé la konsege. Rezultadu hosi akontesimentu ne’e mak ahi hán mutuk Roda iha kontentór haat, Kareta ida, Motor rua, Oli Bidon 20, ai-moruk, no ekipamentu pezadu seluk tán.

Relasiona ho inséndiu ne'e, Ekipa Bombeiru Nasionál hetan Apoiu GOI no Bombeiru Munisipiu Aileu ne’ebé ho esforsu maka'as tenta atu hamate ahi ne’ebé hán armajen ne'e maibé ahi aumenta hán maka'as liu tán nune'e la konsege salva sasán no ekipamentu pezadu seluk iha armajen laran.

Fonte: Mídia Secretario de Estado Proteção Civil (SEPC)

Notísia Hotu-Hotu >