Sientísta Alerta Katak Kanta Aumenta Risku Ba Diseminasaun COVID-19

Notícias Ao Minuto, 16 Setembru 2020 - Sientísta Universidade Lund, Suésia, hateten katak kanta aumenta risku boot ba transmisaun COVID-19 liuhosi kabeen ne'ebé dalaruma kontamina ona moras COVID-19. Deskoberta ne'e publika iha Aerosol Science and Technology no divulga iha artigu ida Revista Galileu nian.

"Iha ona relatóriu barak kona-ba diseminasaun Covid-19 iha Koru. Tan ne'e, restrisaun oi-oin halo ona iha mundu tomak hodi bele halo kanta seguru liu tán", investigadór Jakob Londahl esplika iha komunikadu ida.

Tuir Revista Galileu, konkluzaun ne’e foti depois investigadór sira analiza kantores nain-12 ne’ebé saudável hamutuk no nain-2 ne’ebé teste ona katak pozitivu ba COVID-19 no rezultadu hatudu katak iha risku infesaun boot wainhira kanta.

Nune’e sientísta Sueku sira hateten katak probabilidade kontaminasaun COVID-19 nian kiik wainhira kantór sira mantein Distánsia Sosiál no Uza Máskara wainhira kanta hamutuk.

Fonte: Noticias ao Minuto

Notísia Hotu-Hotu >