Treinadór Aitana FC Triste Tanba Simu Lakon Ho Golu 0-3 Hosi Karketu FC

Dili, 25 Setembru 2020 – Aitana FC lakon ho golu 0-3 wainhira kontra Karketu Dili FC, iha jogu KOPA FFTL 2020 ne’ebé hala’o iha kinta ne’e (24/9), iha estádiu munisipál Dili.

Hafoin jogu remata, liuhosi konferénsia imprensa, Treinadór Aitana FC, João Sousa klarifika, derota ne’ebé sira hetan ne’e sai tristeza ba ekipa.

“Rezultadu jogu ohin, hanesan tristeza ida ba ami, tanba dahuluk ami hanoin oinsá atu manán karketu hodi hakat ba oitavu finál maibé rezultadu oin seluk maibé ida ne’e mak hanaran jogu”, João informa.

Treinador ne’e hatutan liu tán, hosi jogu ohin ekipa hetan problema, hanesan jogadór sira aleija iha jogu parte dahuluk hodi simu tiha golu, maibé iha jogu parte daruak laiha golu tanba konsege halo mudansa ba jogu.

Aitana FC sei iha tán jogu ida tuir mai, iha ne’ebé sei joga hasoru ekipa Sporting Timor.

Fonte: Federação Futebol de Timor-Leste (FFTL)

Notísia Hotu-Hotu >