Governu Hamutuk Ho Estudante No Komunidade Kuda Ai-parapa Ho Totál 700 Iha Ulmera

Dili, 08 Outubru 2020 – Sekretáriu Estadu Ambiente Demetrio de Carvalho, hamutuk ho Sekretáriu Estadu Protesaun Sivíl Joaquim Gusmão no Sekretáriu Estadu Peska Elidio de Araújo, inklui estudante sekundáriu Loyola no komunidade sira iha Ulmera, kuda ai-parapa oan hamutuk 700 ne’ebé prepara hosi grupu Habelun.

Iha atividade ne’e, Demetrio de Carvalho husu ba komunidade sira liuliu iha Ulmera atu kontinua konserva ai-parapa sira ne’ebé mak kuda ona iha área kosteira hodi satan laloran wainhira baku maka’as mai li’ur. Demeterio Carvalho hato’o ida ne’e, wainhira halo intervensaun iha atividade ne’ebé  realiza ohin, iha Ulmera, Likisá.

SEA mós husu atu labele buka ular-oan iha ai-parapa nia hún, nune’e minimiza ai-parapa mate. Atividade refere realiza hodi komemora loron mundiál redusaun risku dezastre ne’ebé sei monu iha 13 Outubru.

Fonte: Mídia Sekretariu Estadu Ambiente (SEA)

Notísia Hotu-Hotu >