Klubu Boxing El Matador Realiza Jogu Boxing No Muay Thai Iha SEJD

Dili, 12 Outubru 2020 - Diretór Jerál Juventude no Desportu iha Sekretaria Estadu Juventude no Desportu (SEJD), David Tomás de Deus, iha sábadu ne’e (10/10), halo abertura ba jogu Boxing no Muay thai, ne’ebé Klubu Boxing El-Matador realiza iha SEJD, Lecidere, Dili.

David Tomás felisita Organizadór sira tanba realiza jogu refere no agradese mós ba federasaun Boxing Timor-Leste. 

“Sekretaría Estadu Juventude no Desportu kontente no agradese tanba organizadór sira realiza eventu ida ne’e iha situasaun ne’ebé mak difisil liu, ho situasaun orsamentu no Covid-19 ne’ebe mak nasaun hasoru”, David Tomás dehan.

Klubu Boxing El Matador realiza jogu ne’e hodi sai nu’udar mós parte hosi selebrasaun aniversáriu dahuluk ezisténsia klubu nian. Klubu Boxing sira ne’ebé tuir jogu refere mak El Matador, Benfica, Thomas Americo, Bidau Oriental, Markariñas, Kaikoli Rumbia, Lahane Oriental, 05, Audian no Bekora.

Fonte: Mídia Secretário Estado Juventude e Desporto (SEJD)

Notísia Hotu-Hotu >