Rezultadu Sensu Agríkola 2019: Agregadu Familiár 66% Mak Halo Atividade Agríkola

Dili, 12 Outubru 2020 – Iha reuniaun estraordináriu Konsellu Ministru nian ne’ebé realiza ohin (12/10), iha palásiu Governu, Vise Ministra Finansa Sara Lobo Brites halo aprezentasaun kona-ba rezultadu hosi relatóriu Sensu Agríkola 2019 nian. Relatóriu refere temi katak agregadu familiár pursentu 66 (66%) iha Timor-Leste mak hala’o atividade agríkola.

Eziste propriedade totál agríkola hamutuk 141.738. Hosi totál refere, propriedade familiár hamutuk 141.141 no propriedade agríkola 597 mak pertense ba instituisaun privada sira.

Propriedade agríkola sira okupa estensaun ida ho éktare 219.250. Munisípiu sira ho área propriedade agríkola familiár ne’ebé boot liu mak Bobonaru ho éktare rihun 41 liu, Ermera ho éktare rihun 40 liu no Baukau ho éktare rihun 25 liu. Munisípiu sira ne’ebé nia área agríkola menus liu mak Lautén ho éktare 8.555  no Manatutu ho éktare 3.371.

Fonte: Mídia Gabinete do Primeiro Ministro (GPM)

Notísia Hotu-Hotu >