Manufahi: Profesór Kontratadu 197 Finaliza Ona Kursu Baxarelatu Iha UNTL

Manufahi, 15 Outubru 2020 - Profesór kontratadu munisípiu Manufahi hamutuk na'in-197, ohin (15/10), husu misa agradesimentu iha postu-administrativu Same, tanba finaliza ona kursu baxarelatu durante tinan 3 iha Universidade Nasionál Timor Lorosa'e (UNTL).

Iha misa agradesimentu ne’e, Padre Vigáriu Parókia Nossa Senhora de Assunção Same, Domingos Bernardo Paiva, iha nia omilia, hateten ba profesór sira katak, nu'udar sarani presiza agradese ba Maromak tanba Maromak mak hasulin matenek ba profesór sira, nune'e tenke uza matenek, kapasidade no enerjia tomak hodi hatutan fali ba ema hotu nu'udar obra Maromak nian.

Diretór INFORDEPE Rejiaun III Abel Belo hateten, profesór kontratadu iha Manufahi 197 ne'e hahú tuir kursu baxarelatu iha UNTL iha 2018 no tuir loloos gradua ona iha 2020 maibé kauza hosi virus corona, tanba ne'e kursu refere foin remata iha 2020 no sira kontinua hala’o hela estájiu iha eskola ida-idak, nune'e sei gradua fali iha tinan oin.

Fonte: Diáriu "Roman ba Sosiedade" Manufahi

Notísia Hotu-Hotu >