PJR Husu CAC Kontrola Kareta Estadu Iha Loron Feriadu Atu Labele Halai Tanba Sei Estraga Osan Ba Manutensaun

Dili, 27 Outubru 2020 – Prokuradór Jerál Repúblika (PJR) José Ximenes husu ba Komisaun Anti Korupsaun (sigla portugés CAC) atu reativa Operasaun Konjunta (OK) hodi kontrola kareta estadu sira atu labele movimenta iha loron feriadu no fim semana, atu bele hamenus gastu ba manutensaun kareta estadu ho orsamentu boot.

“Ha’u espera CAC reativa fali Operasaun Konjunta ba kareta Estadu iha fim-de-semana ho loron feriadu. Atu fó presaun maka’as ba infratór sira, mídia (CAC bele) hasai ema sira uza kareta Estadu arbiru ne’e tau iha mídia (...) se bele CAC kaer infratór sira uza kareta Estadu sira ne'e tau ba iha sela laran no bolu mídia sira mai foka”, José Ximenes hateten ida ne’e, wainhira hasoru malu ho Komisáriu CAC Sergio Hornai hamutuk ho ekipa, iha kinta (22/10) liubá.

Bazeia ba enkountru pontu fokál OK sira iha segunda (26/10) ne’e, molok Timoroan sira selebra loron Finadu iha 2 Novembru semana oin, OK sei reativa hikas operasaun iha semana ne’e no sei alarga ba iha munisipiu hotu iha teritóriu Timor-Leste.

Fonte: Mídia Comissão Anti Corrupção (CAC)

Notísia Hotu-Hotu >