Manufahi: Hosi 2021 Ba Kotuk ALFELA Rejista Kazu Violénsia Kontra Feto No Labarik 148

Manufahi, 18 Fevereiru 2021 – Hosi tinan 2021 ba kotuk Asisténsia Legál ba Feto no Labarik (ALFELA) rejista kazu violénsia kontra feto no labarik hamutuk 148 ne’ebé mak akontese iha munisípiu Manufahi.

Ofisiál ALFELA munisípiu Ainaru no Manufahi, Márcia Glomanita informa ohin (18/2) iha Sentru Solidariedade Sosiál Manufahi katak, kazu 148 ne’e kompostu hosi kazu tolu (3) ne’ebé akontese iha Janeiru-Fevereiru 2021, ho tipu violénsia doméstika rua (2) no violénsia seksuál minoridade ida (1).

Márcia esklarese, hosi númeru 148 ne’e, kazu tolu (3) sei prosesa hela iha ALFELA, kazu sanulu (10) sei prosesa iha Polísia, kazu 24 iha ona Ministériu Públiku, kazu 25 iha Tribunál Distritál Suai, no kazu ne’ebé rezolvidu ka taka iha Tribunál mak hamutuk 85.

Kazu hirak ne’e hola parte iha tipu kazu violénsia hasoru feto no labarik, espesifikamente hanesan violénsia doméstika, violasaun seksuál, abuzu seksuál inklui kazu violénsia bazeía ba jéneru sira seluk.

Fonte: Diáriu "Roman ba Sosiedade" Manufahi

Notísia Hotu-Hotu >