MTKI Realiza Feira Loro-Kraik Ba Loron Dahuluk Iha Jardín BJ Habibie

Dili, 24 Outubru 2020 - Ministru Turizmu Komérsiu no Indústria (MTKI) José Lucas da Silva ho Vise Ministra Turizmu Komunitáriu no Kulturál (MTKK) Inácia da Conceição, hamutuk ho entidade sira seluk, halo abertura ba programa Feira Loro-kraik loron dahuluk nian ne’ebé realiza iha jardín BJ Habibie iha sexta (23/10) ne'e, atu promove produtu artezenatu sira no mós atividade kulinária, hodi komemora 28 Novembru loron Restaurasaun Independénsia ba dala-45.

Molok abertura, Vise MTKK, hamutuk ho bainaka espesiál, estudante no komunidade sira partisipa mós iha atividade ‘Zona Livre Veíkulu’ hodi la’o ain hosi Casa Europa ba BJ Habibie.

Tuir planu MTKI nian ba 2021 sei halo feira Loro-kraik ne’e kada fulan dala ida atu nune’e fó prioridade ba negosiante sira ne’ebé laiha fatin hodi bele lori produtu atu fa’an.

Fonte: Ministério do Turismo, Comércio e Indústria (MTCI)

Notísia Hotu-Hotu >