PDHJ Servisu Hamutuk Ho ONU Hodi Fasilita Formasaun Ba PNTL Munisípiu Aileu

Dili, 27 Outubru 2020 – Provedoria ba Direitu Umanu no Justisa (PDHJ sigla portugés), servisu hamutuk ho Organizasaun Nasaun Unidu (ONU) nia Unidade Asesoria Direitu Umanu iha Timor-Leste, fasilita formasaun durante semana ida ba Polísia Nasionál Timor-Leste munisípiu Aileu.

Provedora PDHJ, Jesuina Maria Gomes hateten katak formasaun refere ho intensaun atu haforsa liu tán servisu ne’ebé iha ona no espesífikamente kontinua halo formasaun ida ne’ebé adekuadu hodi hasa’e koñesimentu membru PNTL nian hodi hametin respeitu no protesaun direitu umanu.

Provedora PDHJ mós agradese no louva ho esforsu Komandante PNTL munisipiu Aileu nian, Superintendente Jorge Monteiro, ne’ebé promove partisipasaun feto iha formasaun ne’e tanba maioria partisipante mai hosi feto no mane na’in rua de’it.

Formasaun ida ne’e realiza ona iha 26 Outubru 2020 no sei remata iha 30 Outubru 2020.

Fonte: Mídia Provedoria dos Direitos Humanos e Justiça (PDHJ)

Notísia Hotu-Hotu >