Labele Soe Fo’er Arbiru Ba Mota Laran

Dili, 01 Marsu 2021 – Diresaun Nasionál Bee No Saneamentu (sigla portugés DNAS) husu ba komunidade sira atu labele soe fo’er arbiru ba valeta ka mota laran sira tanba sei hamosu inundasaun wainhira akontese udan boot, haktuir divulgasaun hosi Servisu Obras Públika ohin (01/3).

Tanba ne’e, DNAS husu atu komunidade sira tenke soe fo’er iha fatin apropriadu ka lixu-fatin ne’ebé prepara tiha ona iha dalan ninin sira, atu nune’e mantéin ambiente moos no evita inundasaun.

Molok ne’e, Ministru Administrasaun Estatál Miguel Pereira iha 16 Fevereiru liubá, iha Parlamentu Nasionál, hateten mós katak lixu ne’ebé komunidade sira prodúz kada loron kuaze tonelada 250, maibé hosi númeru refere pursentu 45 (45%) mak iha hotu mota no tasi laran.

Nune’e DNAS husu ba komunidade sira atu jere lixu ne’ebé prodúz iha fatin apropriadu hodi bele transporta ba lixeiru iha Tibar.

Fonte: Mídia Servisu Obras Públikas - MOP

Notísia Hotu-Hotu >