SEKOMS Nomeia Hikas Paulino Kintas Hodi Asume Kargu Diretór DNPDML

Dili, 05 Marsu 2021 – Sekretáriu Estadu Komunikasaun Sosiál (SEKOMS) Mericio dos Reis Akara, iha sexta (05/3) ne’e, iha Palásiu Governu, Dili, nomeia hikas Paulino Kintas hodi asume kargu Diretór Diresaun Nasionál Promosaun no Dezenvolvimentu Mídia Lokál (DNPDML).

Iha serimónia transferénsia podér ne'e, Akara husu ba Diretór DNPDML definitivu Paulino Kintas no funsionáriu sira atu tenke servisu ho responsabilidade hodi serví duni ba povu no nasaun ho di’ak liután.

Enkuantu, Diretór DNPDML definitivu ne’ebé nu’udar mós Eiz Diretór Nasionál Informasaun no Atualidade RTTL-EP ne’e afirma katak, atu lori diresaun ne’e ba oin ho di’ak liután presiza servisu ekipa.

Iha fatin hanesan, Diretór Interinu DNPDML José da Costa agradese ba SEKOMS ho ekipa ne’ebé fó fiar ba nia hodi asume knaar nu’udar Diretór Interinu maske ho tempu badak de’it, hafoin Diretór DNPDML Sesante Abel da Conceição husik tiha tanba asume fali kargu Administradór Munisípiu Aileu.

Fonte: Mídia Secretário de Estado Para a Comunicação Social (SECOMS)

Notísia Hotu-Hotu >