Covid-19: Kazu Infektadu Foun Na’in-50 Iha Dili No Na’in-1 Iha Vikeke

Dili, 30 Marsu 2021: Timor-Leste rejista tán kazu infektadu Covid-19 foun na’in-51 ne’ebé kompostu hosi na’in-50 iha munisípiu Dili no na’in-1 iha munisípiu Vikeke, tuir informasaun ne’ebé Sala Situasaun Sentru Integradu Jestaun Krize (SIJK) fó sai liuhosi Palácio das Cinzas nia divulgasaun ohin (30/3).

Ho kazu 50 ne’ebé deteta tán iha Dili, nune’e totál númeru infektadu ne’ebé Ministériu Saúde rejista iha Dili dezde 07 Marsu 2021 to’o agora hamutuk 415, no iha Vikeke aumenta tán na’in-1 nune’e kazu infektadu ne’ebé rejista iha Vikeke sa’e ba na’in-11.

SIJK informa katak rejista mós pasiente Covid-19 rekuperadu foun hamutuk na’in-11, ne’e duni pasiente ne’ebé oras ne’e baixa hela iha Timor-Leste sa’e ba 382.

Fonte: Mídia Palácio das Cinzas

Notísia Hotu-Hotu >