Covid-19: Infektadu Foun 41 iha Kapitál Dili, Pasiente Ne’ebé Baixa Hela Sa’e Ba 415

Dili, 31 Marsu 2021 – Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste Rui Maria de Araújo relata ohin (31/3) liuhosi vídiu-konferénsia katak, iha tán kazu infektadu Covid-19 foun hamutuk ema na’in-41 ne’ebé deteta iha kapitál Dili.

Rui Araújo esplika, kazu foun 41 ne’e kompostu hosi “feto na’in-17 no mane na’in-24, sintomátiku na’in-3 no asintomátiku na’in-38”.

Iha mós pasiente Covid-19 rekuperadu foun na’in-8 ne’ebé Rui relata, nune’e pasiente Covid-19 ne’ebé oras ne’e baixa hela iha Timor-Leste sa’e ba na’in-415.

Fonte: Timor News

Notísia Hotu-Hotu >