Cristiano Ronaldo Pozitivu Infektadu Virus Corona

Dili, 14 Outubru 2020 – Jogadór estrela Portugál, Cristiano Ronaldo, teste pozitivu ba Covid-19, haktuir informasaun ne'ebé fó sao hosi Federasaun Futeból Portugeza.

Portugál nia jogadór avansadu ne’e sei lakon oportunidade hodi reprezenta nia nasaun hamutuk ho jogadór sira seluk hodi joga hasoru Suésia iha Kuarta ne’e.

Sky News haktuir katak jogadór ho idade 35 ne’ebé joga mós ba klubu Italianu Juventus ne’e nia kondisaun di’ak hela sein sintoma ruma no iha hela izolamentu.

Iha segunda liubá Ronaldo divulga imajen ida iha Instagram ne’ebé hatudu nia túr hamutuk hela ho jogadór Portugál sira seluk iha meza hodi hán ba kalan nian, maibé hafoin halo teste, laiha jogadór selesaun sira seluk hosi ekipa Portugeza nian ne’ebé afeitadu mós hosi Covid-19.

Fonte: The Guardians

Notísia Hotu-Hotu >