}
Hahú Loron 1 Fevereiru 2020 Reinu Unidu Ofisialmente Sai Ona Husi Uniaun Europeia

Díli, 30 Janeiru 2020, Liuhusi komunikadu de-imprensa, Ministeriu Negosius Estranjeirus no Kooperasaun (MNEK) informa ba públiku katak, hahú 00:00 oras Reinu Unidu loron 1 fulan Fevereiru tinan 2020, Reinu Unidu ofisialmente sai husi Uniaun Europeia.

Mezmu nune’e, situasaun ne’e sei la iha efeitu negativu imediatu ba timoroan hirak ne’ebé uza pasaporte portugés, tamba sei iha períodu tranzisaun ba prosesu ne’e, ne’ebe hahú husi loron 1 fulan Fevereiru tinan 2020 to’o loron 21 fulan Dezembru tinan 2020. Ne’e. Signifika katak, lejislasaun sira hotu husi Uniaun Europeia inklui lei imigrasaun nian sei aplikavel iha Reinu Unidu durante periudu tranzisaun refere.

Tan ne’e, husu ba públiku no liu-liu ba komunidade timoroan hotu ne’ebé iha Reinu Unidu, atu mantein kalma no hala’o atividade ho normal hodi hein rezultadu husi negosiasaun foun kona-ba lei imigrasaun Reinu Unidu nian iha 2020 nia rohan.

Ba informasaun liu tan, bele kontaktu mai Diresaun Jerál Asuntu Multilateral no Rejional Ministeriu Negosius Estranjeirus no Kooperasaun liuhusi númeru +670 78440715.

Autór: Mídia Ministéiro do Negócio Estrangeiro e Cooperação (MNEC)